Sobada göbələkli, pendirli balıq

Hazırlanma mərhələsi

• 1

  Əvvəlcə göbələklər təmizlənir, doğranılır. Suda bir buğum qaynadılır. Sonra süzülür.

• 2

  Balıq fileləri quşbaşı doğranılır, duzlanır, istiotlanır. Qaynar yağlı tavada hər tərəfləri qızarana qədər bişirilir.

• 3

  Soğan xırda doğranılır, tavada qızılı rəng alana qədər bişirilir.

• 4

  Pomidor, bibər kub formasında doğranılır.

• 5

  Bişən soğanın üzərinə əvvəlcə göbələk əlavə edilir, sonra balıq. Birlikdə 1-2 dəqiqə bişirildikdən sonra pomidor, bibər tökülür. Sarımsaqlar isə bütöv halda atılır.

• 6

  Pendir sürtgəcdən keçirilir.

• 7

  Bişən balıq soba qabına əlavə olunur. Üzərinə pendir səpilir. Və 180 dərəcəli sobada pendir əriyənə qədər bişirilir.

• 8

  Servis edərkən üzərinə xırda doğranmış cəfəri səpilə bilər.